AGS Brakpan-Wes

AGS Brakpan Wes Gemeente ist n liefde vir Mense ‚n jong dinamiese gemeente met‘.

AGS Brakpan Wes Gemeente is ’n jong dinamiese gemeente met ’n liefde vir mense. Ons wil graag die hele spektrum van gelowiges bedien met die liefde van Jesus.

Ons leuse is Meer doen vir GOD, Gemeente, Gemeenskap.

Dit bepaal wat ons doen. Ons lei mense na ’n intieme verhouding met GOD. Dit is ons droom dat elke persoon wat deel is van ons Gemeente in ’n lewende verhouding met GOD sal staan. Vanuit so ’n verhouding kan ons uitreik na die wêreld daar buite.

Ons is ’n liefdevolle Gemeente wat omgee vir mekaar. Dit doen ons deur verhoudinge te versterk tussen gelowiges.

As die gemeente sterk is, sal die gelowiges sterk wees.

Laastens het ons ’n intense belangstelling in ons gemeenskap. Ons glo dat ons die geestelike lig is vir Brakpan en SY mense. Saam met die ander kerke en gemeentes neem ons hande om ons gemeenskap positief te beinvloed. Daarom is ons betrokke in verskeie gemeenskaps projekte soos Huis Talita, ’n kinderhuis, Die Eike, ’n skool met ‘n Christelike karakter en vele sending aksies in Tsakane en vêrder oor die wêreld.