Ertaklar

Ertaklar - Bolajonlar uchun turfa xil ertaklarning onlayn kutubxonasi

Ertaklar.uz sayti o‘z foydalanuvchilariga o‘zbek xalq va jahon xalqlari ertaklarini rasmli matnlar va audio formatlarda taqdim etadi!

«Xalqning aniq maqsad sari harakat qilishi, davlatmand bo‘lishi, baxtli bo‘lib izzat-hurmat topishi, jahongir bo‘lishi yoki zaif bo‘lib xorlikka tushishi, baxtsizlik yukini tortishi, e’tibordan qolib, o‘zgalarga tobe va qul, asir bo‘lishi ularning o‘z ota-onalaridan bolalikda olgan tarbiyalariga bog‘liq» (Abdurauf Fitrat)

O‘zining maftunkor sehri, tuganmas shukuhi, dilni rom etuvchi jozibasi bilan hamisha qanotlanib turuvchi xalq ertaklari inson xayolotining mevasidir.

Kishilar o‘z qismatining chigalliklarini yechishdan ojiz qolgan chog‘larda, ertak uni nurli qanotlarida umidli manzillarga ko‘tarib o‘tgan.

Bashariyat hali zulmat qo‘ynida najot yo‘llarini qidirib, asrlar mobaynida kimsasiz taqdir so‘qmoqlarida tentirab yurgan onlarda ertaklar uni xayolot qanotida ziyobaxsh sohillarga eltgan.

Bir so‘z bilan aytganda, ertak insoniyatning beg‘ubor bolaligi yetishtirgan samaradir. Binobarin, uning ta’rif-u tavsifiga til ojiz, qalam — behol.