Kelinlar qo`zg`oloni

Said Ahmadning "Kelinlar qo`zg`oloni" asari

„Kelinlar qo‘zg‘oloni“ (ruscha: Bunt nevestok) — taniqli o‘zbek rejissori Melis Abzalov 1984-yil yaratgan kinokomediya. Komediya Said Ahmadning shu nomli asari asosida olingan. „Kelinlar qo‘zg‘oloni“ sovet davrida olingan eng yaxshi o‘zbek kinokomediyalaridan biri hisoblanadi. Melis Abzalov 1982-yil yaratgan „Suyunchi“ filmidagi kabi „Kelinlar qo‘zg‘oloni“da ham qattiqqo‘l buvi haqida so‘z boradi.

Farmon bibi (Tursunxon Jaʼfarova ijro etgan) mehribon, ammo juda qattiqqo‘l ona bo‘lib, o‘zining yetti o‘g‘li va ularning oilalari bilan bir hovlida yashaydi. Eng kenja o‘g‘liga tushgan kelin Nigora Farmon bibiga qarshi „qo‘zg‘olon“ ko‘taradi, boshqa kelinlar esa uni qo‘llab-quvvatlaydi. Farmon bibi kelinlariga yon berishga va ularning talablarini bajarishga majbur bo‘ladi.