Business Mag

Platforma e parë dixhitale me fokus sipërmarrjen dhe inovacionin.

Çfarë ofron BM si produkt dixhital?

Një mjet të ri informimi, në gjuhën shqipe me përmbajtje krejtësisht origjinale mbi biznesin dhe sektorë të ndryshëm të tij. Materialet janë të ofruara në format lakonik dhe demonstrative në formën e një guide të shpejtë dhe japin informacion mbi realitetin e biznesit, histori suksesi, inovacione, personazhe suksesi në biznes dhe frymëzues me modelin e tyre të të bërit biznes.

Në revistë vjen natyrshëm gërshetimi i artikujve të marra në mediat e huaja me histori të kompanive dhe njerëzve të biznesit të njohur në rang boteror, me historitë dhe personazhet reale të prekshëm në Shqipëri ose figura që kanë një histori frymëzuese dhe që kanë kontribuar në ekonominë shqiptare.

Mbulimi eventeve ndërkombëtare dhe pasqyrim i të rejave së botës së biznesit duke shërbyer si një orientues i lëvizjeve të ngjashme në vendin tonë në përgjithësi dhe ekosistemit të sipërmarrjes në veçanti.

Studim i kapaciteteve që ofron vendi, intervista me aktorë influencues, opinione të njerëzve që punojnë në këto sektorë dhe intervista me ekspertë për të dhënë një këndvështrim të shumë-anshëm mbi dukuri dhe fenomene. Çfarë bëhet për të shfrytëzuar sa mirë këto kapacitete dhe çfarë mund të bëhet për ti përmirësuar, në aspektin e integrimit të teknologjive të reja apo të modeleve të përmirësuar të organizimit, kualifikimit specifik të burimeve njerëzore dhe rritjes së efektivitetit dhe efiçencës në punë.

Platformë edukative dhe trajnuese nëpërmjet trajtimit të tematikave të rëndësishme dhe të vlefshme nëpërmjet të cilave të rinjtë që navigojnë në kërkim të një ideje biznesi apo të një drejtimi profesional të marrin njohuri se si të përgatitesh për një intervistë pune, si të fillosh një biznes të vogël, si dështimi kthehet në sukses, apo ku të drejtohesh për një këshillë me vlerë.

Raste studimi të kompanive të biznesit në Shqipëri do të bëhen të mundura në numrat në vijim për të pasuruar kurrikulat e fakulteteve.

Platformë promovuese e ideve të reja, inovacioneve, mbështetëse e nismave që nxisin kreativitet dhe projekte ambicioze.

Promotore për punësim dhe ngjitje të shkallëve të karrierës. Nisje e karrierës dhe zhvillim i saj duke ndjekur hapat e duhur me këshilla të thjeshta nga ATA të cilët e kanë shkelur njëherë atë rrugë, dhe kanë ngjitur ato shkallë.

Formati i përdorur grafikisht si zgjidhje është bërë në mënyrë që të jetë i thjeshtë për t'u përdorur, i këndshëm për syrin dhe të krijojë idenë se këtu mund të gjesh çdo gjë që të duhet.

Formati i revistës mundëson lehtësi në lexim nga pajisjet mobile dhe tabletet, pra duke e shkarkuar revistën mund ta lexoni sipas kohës dhe konveniencës tuaj.

Kujt i drejtohet?

Nëse tani je duke e lexuar këtë tekst…KJO REVISTË ËSHTË PËR TY.

Ju ftojmë të shfletoni artikujt e përzgjedhur me tematika që zgjojnë interes rreth biznesit, teknologjisë, zhvillimit, jetës së përditshme të personazheve me histori suksesi dhe t’i ndani ato me miqtë tuaj.