Ғазабнинг давоси

Ғазаб ва нафратдан мутлақо қутулиш ёки уни жиловлаш мумкинми?

Бисмиллаҳир рох,манир роҳим!

Алҳамдулиллаҳ, вассолату вассаламу ъала расулиллаҳ.

Аллоҳ таоло инсон зотини яратиб, унда турли туғма хулқ-атворларни пайдо қилди. Ҳар бир туғма хулқ-атворнинг ўз вазифаси бор. Инсон соғ-саломат бўлиши, ҳаётда керакли ишларни амалга ошириши учун бу туғма хулқ-атворларнинг ўрни беқиёсдир. Масалан, уйқу туғма хулқ-атворини олайлик. Инсон меҳнат қилиб чарчайди. Вактида дам олса, керакли ишларни бажаришга қодир бўлади. Акс ҳолда уйкусизлик одамнинг ҳолатига салбий таъсир кўрсатади. Ғазаб ҳам худди шундай туғма хулқ-атворлардан саналади.

Инсонга берилган туғма хулқ-атворларни ишлатишда шариат белгилаб берган чегарадан чиқиш бандани инсонийликдан ҳайвон даражасига тушириб қўяди. Зеро, ҳайвон ҳам еб-ичади, қорни очиш ва ғазабланиш каби хислатларга эга. Одам ҳайвондан фарқли ўлароқ, илоҳий таълимотларга амал қилиш билан юқори поғоналарга эришади.

Ғазаб шундай нарсаки, у ни жиловлай олган банда нажот топади. Ғазабни умуман йўқотишнинг имкони йўқ. Сабаби, баъзи ҳолларда, масалан, гуноҳ ишлар қилинганида, ҳақиқат топталганида, оёқ ости қилинганида инсоннинг ғазабланмаслиги, индамай қараб туравериши мумкин эмас. Агар инсонда ғазаб ҳисси бўлмаса, у ҳолда дунёда адолат ва ҳақиқат ўз моҳиятини йўқотган бўларди.

Одилхон қори Юнусхон ҳожи ўғли

ҒАЗАБНИНГ ДАВОСИ

“ШАРҚ” НАШРИЁТ-МАТБАА АКСИЯДОРЛИК КОМПАНИЯСИ

БОШ ТАҲРИРИЯТИ ТОШКЕНТ-2014

Инсон зотини Аллоҳ таоло ҳамма тарафлама мукаммал қилиб яратган. Унинг феълида меҳр ва муҳаббат билан биргаликда ғазаб ва нафрат ҳам бор. Хўш ғазаб ва нафратдан мутлақо қутулиш ёки уни жиловлаш мумкинми? У нима учун инсонга - ато этилган?

Қўлингиздаги китоб ана шу долзарб ҳаётий масалалар ҳақидадир. Ўқиб, муродингизга етинг.

Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2494 сонли рухсати билан чоп этилди.